ತ್ಯಾಗರಾಜರ "ಎಂದರೋ ಮಹಾನುಭಾವುಲು" ಕನ್ನಡದಲ್ಲಿ !

 

ಮೂಲ ಸಾಹಿತ್ಯ - ತ್ಯಾಗರಾಜರ "ಎಂದರೋ ಮಹಾನುಭಾವುಲು"
ಕನ್ನಡ ಅನುವಾದ ಹಾಗು ಗಾಯನ - ರಕ್ಷಾ ಮಹೇಂದ್ರ
ಯೂಟ್ಯೂಬ್ ಲಿಂಕ್ - https://youtu.be/5dVfo-yKSXM

@@@@@@@@@@@@@@@@@@@@@

||ಪಲ್ಲವಿ||

ಎನಿತೋ ಮಹಾನುಭಾವರು
ಎಲ್ಲರಿಗೂ ವಂದನೆಗಳು...
ಸರ್ವರಿಗೂ ವಂದನೆಗಳು

||ಅನುಪಲ್ಲವಿ ||

ಚಂದ್ರನ ಕಾಂತಿಯ ಹೊಂದಿರುವ ರಾಮನ ಚಂದವನ್ನು ಹೃದಯಾರವಿಂದದಲ್ಲಿ ನೋಡಿ ಬ್ರಹ್ಮಾನಂದವನ್ನು ಅನುಭವಿಸಿದ || ಎನಿತೋ ||


||ಚರಣಗಳು||

ಸಾಮಗಾನಲೋಲ ಮದನನ ಲಾವಣ್ಯ ಕಂಡರು ಧನ್ಯರು

ಚಂಚಲ ಮನಸಿನ ವನಸಂಚಾರವ ನಿಲಿಸಿ ರಾಮ ಮೂರುತಿ ಕಂಡರು || ಎನಿತೋ ||

ಸಗುಣನ ಪಾದಗಳಿಗೆ ಮಾನಸ ಕಮಲವನ್ನೇ ಸಮರ್ಪಣೆಯ ಮಾಡಿದವರೆನಿತೋ

ಪತಿತ ಪಾವನನನು ಪರಾತ್ಪರನ ಕುರಿತು ಪರಮಾರ್ಥದಲಿ ನಿಜ ಮಾರ್ಗದಲಿ ಹಾಡುತಲಿ ಸಲ್ಲಾಪದಲಿ ಸ್ವರಲಯಾದಿ ರಾಗಗಳ ತಿಳಿದವರೆನಿತೋ

ಹರಿಗುಣ ಮಣಿಮಯ ಸರಗಳು ಕೊರಳಲಿ
ಶೋಭಿಸಲಿ ಭಕ್ತಕೋಟಿ ಇಳೆಯಲಿ
ಜ್ಞಾನದಿ ಸ್ನೇಹದಿ ಕರುಣೆಯಲ್ಲಿ ಜಗವೆಲ್ಲವ ಸುಧಾದೃಷ್ಟಿಯಲ್ಲಿ ಕಾಯುವರೆನಿತೋ

ಸೊಗವ ಮೀರಿ ನಡೆಯಬಲ್ಲ ರಾಮನ ಸದಾ ಕಣ್ಣಲಿ ನೋಡುತ ಪುಳಕವು
ನೋಡಿ ಆನಂದ ಸಾಗರದಲಿ ತೇಲಿದರು ಸಂತಸದಲಿ ಯಶವ ಪಡೆದವರೆನಿತೋ

ಪರಮ ಭಾಗವತ ಮೌನಿ ವರಶಶಿ ವಿಭಾಕರ ಸನಕ ಸನಂದನಾ ದಿಗೀಶ ಸುರ ಕಿಂಪುರುಷ ಕನಕ ಕಶಿಪು ಸುತ ನಾರದ ತುಂಬುರು
ಪವನಪುತ್ರ ಬಾಲಚಂದ್ರ ಧರ ಶುಕ ಸರೋಜಭವ ಭೂಸುರ ವರರು

ಪರಮ ಪಾವನರು ಘನರು ಶಾಶ್ವತರು
ಕಮಲಭವ ಸುಖದಿ ಸದಾನುಭವ ಪಡೆದವರೆನಿತೋ

ನಿನ್ನಾ ನಾಮಕೀರ್ತಿ ವೈಭವಗಳನ್ನು
ಪರಾಕ್ರಮ ಧೈರ್ಯಗಳ ಶಾಂತ ಮಾನಸದಿ ನಿನ್ನನ್ನು
ವಚನ ಸತ್ಯದಲಿ ರಘುವರ ನಿನ್ನನು
ಸದ್ಭಕ್ತಿಯಲಿ ನಿನ್ನನು ದುರ್ಮತವಿಲ್ಲದೆ
ಭಕ್ತರೆಲ್ಲ ಪಾಡಿ ನಿನ್ನ ಮನವನು
ಅರಿತು ಸಂತತವು ಗುಣಭಜನಾನಂದ ಕೀರ್ತನೆಯ ಮಾಡುವರೆನಿತೋ

ಪ್ರೇಮದಿ ಉಸಿರು ನಿಲುವ ಕಾಲದಿ ನಿನ್ನಾ
ನಾಮ ಮೊದಲು ನೆನೆಯುವರು
ರಾಮಭಕ್ತರು ತ್ಯಾಗರಾಜ ಹಾಡಿದ ನಿಜ ದಾಸರು
ಇವರೆನಿತೋ ಮಹಾನುಭಾವರು