ಇದೀಗ ಪ್ರಿಮಿಯರ್ ಆಗಲಿದೆ ... ೬ ಗಂಟೆಗೆ 

ಸಾಹಿತ್ಯ - ಶತಾವಧಾನಿ ಗಣೇಶ್ 

ರಾಗ - ಕಾನಡ 

ಸಂಯೋಜನೆ - ರೋಹಿಣಿ ಸುಬ್ರಹ್ಮಣ್ಯಂ 

 ವೀಡಿಯೊ ಪರಿಕಲ್ಪನೆ & ಗಾಯನ - ರಕ್ಷಾ ಮಹೇಂದ್ರ 

ರಾಮನ ಪರಿವಾರ ಅಸಮಾನ ಗುಣಾಧಾರ 

ಸ್ವಾಮಿಯ ಪರಿವಾರ ರಸಾನೇಮಿಯ ಸಂಸಾರ ।।ಪಲ್ಲವಿ|| 

ಸೀತೆಯಂಥ ಸತಿ ಮತ್ತೆಲ್ಲಿ ದಾಂಪತ್ಯ ಪಥ್ಯ ಪಥವಿನ್ನೆಲ್ಲಿ 

ಲವಕುಶರಂಥ ಸುತರೆಲ್ಲಿ ...... 

ಲವಕುಶರಂಥ ಸುತರೆಲ್ಲಿ ಶಿವಕುಶಲತೆಗಳಿಗೆಡೆಯಿನ್ನೆಲ್ಲಿ ।।ರಾಮನ ಪರಿವಾರ || 

ಭರತ ಲಕ್ಷ್ಮಣ ಶತ್ರುಘ್ನರ ಪರಿ ಇರುವರೇ ಸಹಜರೆಡೆಯಲ್ಲಿ 

ಗುಹ ಸುಗ್ರೀವ ವಿಭೀಷಣರಂಥ ಗೆಳೆಯರಿರುವರೇ ಧರೆಯಲ್ಲಿ ।।ರಾಮನ ಪರಿವಾರ || 

ಎಲ್ಲಕ್ಕೂ ಮಿಗಿಲು ಹನುಮನ ಹಾಗೆ ಸಲ್ಲುವರೇ ಸೇವಕರು 

ನಿಲ್ಲುವರೇ ಭಾವಕರು ಗೆಲ್ಲುವರೇ ಜೀವಕರು ।।ರಾಮನ ಪರಿವಾರ ||